عێراقییەکان ڕۆژانە سێ ملیار دینار بۆ جگەرەکێشان خەرج دەکەن

دیجیتاڵ میدیا

 

وەزارەتی تەندروستی عێراق ڕایگەیاند، ڕۆژانە سێ ملیار دینار بۆ کڕینی جگەرە لە عێراق خەرج دەکرێت، بەشێکیش لە جگەرە ئەلکترۆنییەکان ماددەی هۆشبەریان تێدایە.

 

لێدوانی فەرمی: د.وەسیم کیلان، یاریدەدەری بەڕێوەبەری پرۆگرامی کۆنترۆڵکردنی تووتن لە وەزارەتی تەندروستی، بە میدیای فەرمیی حکومەتی عێراقی ڕاگەیاندووە، ئەو کەسانەی لە عێراق جگەرە دەکێشن ڕۆژانە سێ ملیار دینار  خەرج دەکەن لە کڕینی جگەرەدا، زیاتر لە 70%ـی جگەرەکان کە لە عێراقدان پشکنینیان بۆ ناکرێت، بەشێک لە جگەرە ئەلیکترۆنییەکان ماددەی هۆشبەریان تێدایە.

 

ژمارەکان وا دەڵێن: 

•    زیاتر لە 70%ـی جگەرە لە عێراق پشکنینی بۆ ناکرێت.
•    زیاتر لە نیوەی عێراقییەکان بەدەست کێشەی جگەرەکێشانەوە دەناڵێنن.
•    لە سەدا 30-40%ـی عێراقییەکان دووکەڵی جگەرەکێشان هەڵدەمژن.
•    نزیکەی 20%ـی جگەرەکێشەکان تەمەنیان سەرووی 18 ساڵە.