دەست بە پلەبەرزکردنەوەی ئەفسەرانی وەزارەتی ناوخۆ و ئاسایش دەکرێت

ئاڤا نیوز 

بە گوێرەی ڕاگەیێنراوێکی وەزارەتی ناوخۆ،  پلە بەرزکردنەوەی ئەفسەرانی وەزارەتی ناوخۆ و ئاسیش دەستپێدەکات. 

 

لێدوانی فەرمی: هێمن میرانی، بەڕێوەبەری گشتیی دیوانی وەزارەتی ناوخۆ ڕایگه‌یاند: ئەمڕۆ وەزیری ناوخۆ واژۆی لە سەر هەمواری ڕێنمایی پلەبەرزکردنەوەی ئەفسەرانی هێزەکانی ئاسایشی ناوخۆ کرد.

زانیاری زیاتر: "ئەم جۆرە لە حوکمڕانیە پێی دەگوترێت حکومەتی وەڵامدەرەوە، کاتێک هاووڵاتییان لە هەر چین و توێژێک داواکارییەکی ڕەوایان هەبێت و پێشکەشی بکەن، لەم جۆرە حوکمڕانییە داواکارییەکە بە وردی دیراسە دەکرێت و وەڵام دەدرێتەوە"، هێمن میرانی وای گوت.

 

ئەوەی پێویست بیزانیت: بە گوێرەی هەمواری نوێ، ئەو ئەفسەرانەی لە پلەی عەقیدن و ئامادەکاری دەکەن بۆ بەرزبوونەوەی پلەکانیان بۆ عەمید، لە کاتی هەبوونی مەرجە یاساییەکان، دەکرێت لە پایەی بەڕێوەبەری بەڕێوەبەرایەتی یان بەڕێوەبەری بەش بن لە دامەزراوەکانی وەزارەتی ناوخۆ".

 

بۆچی گرنگە: بەرزکردنەوەی پلەی ئەفسەرەکان کاریگەری ڕاستەوخۆی دەبێت لەسەر بژێوی ژیانیان، چونکە دەبێتە هۆی بەرزبوونەوەی ڕێژەی مووچەکانیان.