ئاڤا نیوز دەنگی گەیاند؛ پێداچوونەوە بە پەڕاوی تاقیکردنەوەی قوتابییە دووەمەكەی عێراق دەكرێت

ئاڤا نیوز 

 

دوای ئەوەی ئاڤا نیوز دەنگی قوتابییە كوردە دووەمەکەی پۆلی 12ـی عێراقی گەیاندە وەزیری پەروەردەی هەرێمی کوردستان لەبارەی ئەوەی لە ئەنجامەكانی ناڕازییە، بەڵێنی پێداچوونەوە بە دەفتەری تاقیكردنەوەكانی دەدرێت.

 

وێنە گەورەكە: ڕۆژی 22-07-2024، ئەنجامی تاقیكردنەوە گشتییەكانی پۆلی 12ـی عێراق بڵاو كرایەوە و دەركەوت كە یەكەم و دووەمی سەر ئاستی عێراق دوو قوتابیی كوردی خەڵكی كەركووكن لە خوێندنی كوردی، بەڵام دواتر محەممەد سامان، كە دووەمی عێراقە بە كۆنمرەی 99.71، لە ڕێگەی ئاڤا وە ڕایگەیاند كە لە كۆنمرەكەی ناڕازییە و پێیوایە ئەویش كۆنمرەی 100ی هێناوە یەكەمی سەر ئاستی عێراقە.

 

لێدوانی فەرمی: ئالان حەمەسەعید، وەزیری پەروەردەی هەرێمی كوردستان ڕایگەیاند: لەگەڵ لیژنەی تاقیكردنەوەكان قسەمان كردووە لە بەغدا، بەڵێنیان داوە كە پێداچوونەوە بە دەفتەرەكانی بكەنەوە.

 

لەلایەکی دیکەوە: پێشتر لەگەڵ ڕاگەیاندنی ئەنجامەکان وەزیری پەروەردە لە ڕێگەی پەیامنێری ئاڤا نیوزەوە لە كەركووک بە تەلەفۆن قسەی لەگەڵ ئەو قوتابییە كوردە كرد و بەڵێنی دا بەدواداچوون بۆ گلەیی و داواكارییەی بكات.