مووچەی فەرمانبەرانی پەرلەمان دابەش دەکرێت

ئاڤا نیوز

پارەی مووچەی فەرمانبەرانی پەرلەمانی کوردستان لەلایەن وەزارەتی دارایی عێراق نێردرا و دەست بە دابەشکردنی کرا.

چیرۆکی سەرەکی: هەرچەندە نۆی ئەم مانگە دەست بە دابەشکردنی مووچەی مانگی شەشی فەرمانبەرانی مەدەنی و هێزە ئەمنییەکان کرا، بەڵام بەهۆی ئەوەی وەزارەتی دارایی عێراق تێبینی لەسەر لیستەکانی وەزارەتی کارەبا و پەرلەمانی کوردستان هەبوو، پارەی بۆ خەرج نەکردن.

ئەوەی پێویستە بیزانیت: ئەمڕۆ دووشەممە پارەی مووچەی فەرمانبەرانی پەرلەمانی کوردستان کە بڕەکەی ملیارێک و 180 ملیۆن دینارە، لەلایەن وەزارەتی دارایی عێراق  خرایە سەر هەژماری وەزارەتی  دارایی و ئابووریی هەرێمی کوردستان.

 لێدوانی فەرمی: سامان ئەحمەد، بەرپرسی ڕاگەیاندنی پەرلەمانی کوردستان بە ئاڤا نیوزی گوت: ئەمڕۆ دەست بە دابەشکردنی مووچە کراوە و سەرجەم فەرمانبەرانی پەرلەمان دەتوانن وەریبگرن.