بەشێکی مووچەی مانگی شەش نێردرا و دەست بە دابەشکردنی دەکرێت

ئاڤا نیوز

وەزارەتی دارایی عێراق بەشێكی پارەی  مووچەی مانگی شەشی خستە سەر هەژماری هەرێمی کوردستان و لە یەکشەممەوە دەست  بە دابەشکردنی مووچەی سێ توێژ دەکرێت.

ڕاگەیێنراوی فەرمی: وەزارەتی دارایی و ئابووری ڕایگەیاند، ئەمڕۆ پێنجشەممە بڕی 231 ملیار و 605 ملیۆن و 531 هەزار دینار وەک تەمویلی شایستەی مانگی شەشی کەسوکاری شەهیدان و ئەنفالکراوان و زیندانیانی سیاسی و خاوەن پێداویستییە تایبەتەکان و خانەنشینانی شارستانی و سەربازی خراوەتەوە سەر هەژماری بانکی وەزارەتی دارایی و ئابووری لە لقی هەولێری بانکی ناوەندیی عێراق.      

زانیاریی زیاتر: ڕۆژی یەکشەممە  7-7-2024 دەست بە دابەشکردنی مووچەی سەرجەم ئەو توێژانە دەکرێت کە لە سەرەوە ئاماژە بە ناوەکانیان دراوە و تەمویلەکەیان گەیشتووەتە سەر هەژماری وەزارەتی دارایی.