بەهۆی پەتاوە هەزاران پەنگوین لە ئەنتارتیکا مرداربوونەوە

ئاڤا نیوز

ڤایرۆسێکی کوشندە لەنێو پەنگوینەکانی ئەنتارتیکا بڵاوبووەتەوە و هەزاران پەنگوین بەهۆیەوە مرداربوونەوە؛ توێژەرانی بەریتانی بەدوای ڕێگە چارەیەک دەگەڕێن بۆ کۆنتڕۆڵکردنی ئەم ڤایرۆسە.

ئەوەی پێویستە بیزانیت: ڤایرۆسەکە لە جۆری H5N1 و وەک "ئەنفلۆنزای باڵندە" لەلایەن توێژەران ناسراوە؛ بەهۆی ئەم ڤایرۆسەوە هەزاران پەنگوینی ئەدێلی مرداربوونەتەوە و هەڕەشەیە بۆ لەناوبردنی جۆری "پەنگوینەکانی ئەدێلی" لە ئەنتارتیکا.

زانیاریی زیاتر: ڤایرۆسی H5N1 لە ساڵی 2022 لە ناوچەکانی باشووری ئەمریکا دووبارە سەریهەڵداوەتەوە و ئێستا گوازراوەتەوە بۆ جەمسەری باشوور و زۆربەی ناوچەکانی ئەنتەرتیکا، کە بەهۆیەوە هەزاران پەنگوین مرداربوونەتەوە و مەترسییەکەشی بەردەوامە.

باكگراوند: ڤایرۆسی "H5N1" ئەنفلۆنزای باڵندە؛ یەکێکە لەو نەخۆشییانەی لە باڵندەوە بۆ ئاژەڵەکانی دیکە تەنانەت مرۆڤیش دەگوازرێتەوە؛ ئێستا هەڕەشەی لەناوچوونی پەنگوینی ئەدێلی بەهۆی ڤایرۆسەکە دروستبووە.