عێراق چوارەم هاوردەكاری كاڵای توركیایە

ئاڤا نیوز

 

بەراورد بە ساڵی رابردوو هەناردەی كاڵای توركیا بۆ عیراق زیادیكردووە؛ لە مانگی شوباتی ئەمساڵ عێراق لە پلەی چوارەمدا بووە لە ڕیزی ئەو وڵاتانەی زۆرترین کاڵایان لەو وڵاتەوە هاوردە کردووە.

 

لێدوانی فەرمی: دەستەی ئاماری تورکیا ڕایگەیاند: "مانگی شوبات ئەڵمانیا بە بەهای یەک ملیار و 772 ملیۆن دۆلار، ئەمریکا ملیارێک و 332 ملیۆن دۆلار، ئیتاڵیا ملیارێک و 158 ملیۆن دۆلار، عێراق ملیارێک و 72 ملیۆن دۆلار، بەریتانیش ملیارێک و 66 ملیۆن دۆلار بەهای هاوردەکردنیان لە تورکیاوە هەبووە".

 

ژمارەكان وادەلێن: ئەمساڵ ڕێژەی هەناردەی تورکیا بەڕێژەی 13.6% بەرزبووەتەوە، هەناردەش 9.2% زیادیكردووە، بە بەراورد بە هەمان ماوەی ساڵی ڕابردوو، بەهای هەناردەی تورکیا دەگاتە 21 ملیار و 82 ملیۆن دۆلار، بەهای هاوردەش دابەزیوە بۆ 27 ملیار و 853 ملیۆن دۆلار.

 

ئەوەی پێویستە بیزانیت: هەناردەی تورکیا بۆ عێراق لە مانگی شوباتی ئەمساڵ بەراورد بە هەمان مانگی ساڵی ڕابردوو بەرێژەی 47.3% بەرزبووەتەوە.