بەهۆی گەشتێکی گرانبەها بەرپرسێکی ئێرانی لە کارەکەی دووردەخرێتەوە

ئاڤا نیوز

 

مەسعود پزشکیان، سەرۆککۆماری ئێران، جێگرەکەی بۆ کاروباری پەرلەمانی لە کارەکەی دوورخستەوە، بەهۆی ئەوەی هەستاوە بە ئەنجامدانی گەشتێکی گرانبەها.

 

وێنە گەورەکە: لە کاتێکدا ئێران لەگەڵ هەڵاوسان دەجەنگێت لەنێو قەیرانێکی ئابووریی سەختدایە، جێگری مەسعود پزشکیان بۆ کاروباری پەرلەمان بۆ لە کارەکەی دوورخستەوە، کە گەشتێکی گرانبەهای بۆ جەمسەری بەستەڵەکی باشوور 'ئەنتارکتیکا' ئەنجامداوە. 

 

ئەوەی لەبارەیەوە دەگوترێت: شەهرام دابیری، جێگری سەرۆککۆماری ئێران بۆ کاروباری پەرلەمان، وێنەیەکی خۆی لەگەڵ ئافرەتێک کە دەگوترێت خێزانییەتی لە سۆشیاڵ میدیا خۆی لە ناو کەشتییەک بڵاوکردەوە.

 

لێدوانی فەرمی: مەسعود پزشکیان, سەرۆککۆماری ئێران ڕایگەیاند، ئەو گەشتە گرانبەهانەی لەلایەن بەرپرسانی حکومەتەوە ئەنجامی دەدرێت، تەنانەت ئەگەر لەسەر گیرفانی خۆیان بێت، ناڕەوا و ناتەبایە لەگەڵ ئاستی گوزەرانی کەمی کاربەدەستانی وڵاتەکە.

 

ئەمەش بزانە: دابیری، پزیشکی تەمەن 64 ساڵە، کەسێکی متمانەپێکراو و  نزیکی پزشكیانە، لە مانگی ئابدا بۆ ئەو پۆستە دامەزرابوو.

 

کاریگەری و لێکەوتەکان: دوای بیننی وێنەکان حکومەتی ئێران ڕووبەڕووی ڕەخنەی توند بووەوە، داواکرا ئەو بەرپرسە لە کارەکەی دووربخرێتەوە، ئەمەش لە کاتێکدایە دابیری ئاماژەی بەوەکردووە، پێش ئەوەی پۆستەکە وەربگرێت ئامادەکاریی بۆ ئەم گەشتەیەی کردووە.