ئێران ئەمشەو سەرجەم گەشتە ئاسمانییەکانی ڕادەگرێت

ڕۆژهەڵاتی ناوەڕاست
2 کاتژمێر لەمەوپێش

شەیری بکە لە:

ئێران ئەمشەو سەرجەم گەشتە ئاسمانییەکانی ڕادەگرێت

فڕۆکەخانەی نیشتمانی میهراباد

ئاڤا نیوز

دەستەی فڕۆکەوانیی ئێران بەهۆی ئەگەری هێرشی ئیسرائیل سەرجەم گەشتە ئاسمانییەکانی ئەمشەوی هەڵوەشاندەوە.

وێنە گەورەکە: دوای ئاڵۆزییەکان و ئەگەری هێرشکردنە سەر ئێران لەلایەن ئیسرائیلەوە گەشتە ئاسمانییەکانی ئێران لە کاتژمێر 9:00ی ئەمشەوەوە تاوەکو کاتژمێر 6:00ی بەیانی دووشەممە هەڵوەشایەوە.

ڕاگەیێنراوی فەرمی: جەعفەر یەزەرلو، گوتەبێژی دەستەی فڕۆکەوانی مەدەنی ئێران ڕایگەیاند: گەشتە ئاسمانییەکانمان بەهۆی ئەگەری هێرشی ئیسرائیل بۆ سەر ئێران و پاراستنی گیانی گەشتیارەکانمان هەڵوەشاندەوە.

جەختیش لەوە دەکاتەوە کە گەشتیاران پێویست ناکات نیگەران بن لە نرخی بلیتی فڕۆکە، بەپێی ڕێنماییەکانی دەستەی فڕۆکەوانی مەدەنی هەڵسوکەوت دەکەن، هاوکات گۆڕانکاریی لە گەشتەکان و گەڕانەوەی بلیتی فڕۆکە دواتر ڕادەگەیێنرێت بۆ گەشتیاران.

زانیاریی زیاتر: گوتەبێژی ڕێکخراوی فڕۆکەوانی مەدەنی داوای لە گەشتیاران کرد پەیوەندی بکەن بە زانیارییەکانی فڕۆکەخانەکان و هێڵە ئاسمانییەکانی ناوبراو بۆ ئەوەی زانیاریی زیاتر وەربگرن.

باکگراوند: سوپای پاسدارانی ئێران ڕۆژی 1-10-2024، بە نزیکەی 200 مووشەک لە تۆڵەی کوشتنی حەسەن نەسروڵڵا، ئەمینداری گشتیی حیزبوڵڵای لوبنان و ئیسماعیل هەنیە، سەرۆکی مەکتەبی سیاسیی حەماس هێرشی کردە سەر ئیسرائیل، ئەمەش بووە هۆی پەرەسەندنی گرژییەکانی ڕۆژهەڵاتی ناوەڕاست و ئیسرائیل لەوکاتەوە بەردەوام هەڕەشەی تۆڵەسەندنەوە دەکات، بەتایبەت ئەمشەو کە ساڵیادی هەڵگیرسانی شەڕی غەززەیە.