مەراسیمی بەخاکسپاردنی ڕووفاتی ئەنفالکراوان لە چەمچەماڵ

ئاڤا نیوز

ئەمڕۆ چوارشەممە لە مەراسێمێکدا لە مۆنیۆمێنتی ئەنفالی چەمچەماڵ، ڕووفاتی 172 ئەنفالکراو کە سەرجەمیان ژن و منداڵن بەخاک دەسپێردرێ.

لە بیابانی سەماوە ڕووفاتەکان گەڕێنراونەتەوە. بەگوێرەی بەڵگەنامەکان بەرکەوتەی قۆناغی چوارەمی ئەنفال و خەڵکی سنووری ناحیەی ئاغجەلەرن.

ڕۆکان مەحموود، پەیامنێری ئاڤا میدیا قسەی لەگەڵ بەشێک لە کەسوکاری ئەنفالکراوەکان کردووە و ئاماژەیان بەوە کردووە، پشکنینی DNA بۆ ڕووفاتەکان نەکراوە و کەلوپەلەکانیشیان سووتێنراوە.

ڕژێمی بەعس ساڵی 1988 بە هەشت قۆناغ 182 هەزار هاونیشتمانی باشووری کوردستانی ئەنفال کرد. تاوەکو ئێستاش کەمتر لە دوو هەزار ڕووفات هێنراونەتەوە.